Últimas noticias
Éxito da Hockey Experience na Coruña
O pasado sábado máis de 100 nenos e nenas da Coruña participaron na Hóckey Experience que se celebrou na chaira do Palacio dos Deportes de Riazor da Coruña.
Unha xornada que se desenvolveu desde as 10 da mañá ata as 6 da tarde, na que os máis novos puideron achegarse para coñecer o noso deporte dunha forma moi divertida e coa presenza de Redy, a mascota do hóckey español.
O Concelleiro de Deportes de Coruña, Manuel José Vázquez, e o Presidente da Federación Galega de Hóckey, Roberto Baratta, non quixeron perderse esta cita.
Para o éxito deste evento, organizado conxuntamente polas federacións española e galega, foi imprescindible a colaboración dos clubs de Coruña, a do Concello da Coruña e o patrocinio de Autocares Fondo.
As nosas Seleccións Sub14 disputaron o Nacional de Autonomías
Do 21 ao 24 e marzo as Seleccións Galegas Masculina e Feminina Sub14 acudiron a Valencia para participar no Campionato de España de Seleccións Autonómicas de Hóckey Herba.
Os mozos conseguiron un merecido 4º posto. Comezaban a súa participación perdendo por 10 a 0 contra Valencia. No seu segundo partido impoñíanse por 2 a 0 á selección de Aragón. O cuarto enfrontamento deparáballes unha derrota contundente fronte a Andalucía por 10 a 2. E pecharon o seu torneo caendo por 7 a 1 antes Cantabria.
Mentres, as mozas, terminaban o campionato en 6º lugar. Empatando a uns contra Baleares, caendo por 16-0 contra Andalucía e por 0-8 ante a Comunidade Valenciana.
Sen dúbida unha experiencia única para os nosos que regresan habendo competido e aprendido.
A Hockey Experience da RFEH chega A Coruña
Se vives na Coruña non podes perder a Hóckey Experience, un evento pensado para que os máis novos coñezan o hóckey herba xogando e divertíndose, que chega a cidade herculina o sábado 6 de abril.
No aparcamento do Palacio dos Deportes de Riazor, desde as 10 da mañá ata a 6 da tarde ininterrompidamente, os máis peques poderán achegarse para xogar nas diversas probas e coñecer en persoa a Redy a mascota do hóckey español.
A participación é totalmente gratuíta, previa inscrición a través destacó ligazón: https://forms.gle/1EGyYW2CpvQwTNM6A
Este gran evento do hóckey está organizado pola Real Federación Española de Hóckey e a Federación Galega , coa inestimable colaboración dos clubs da Coruña, o apoio do Conello da Coruña, e o patrocinio Autocares Fondo.
Carlota Álvarez e Manu Lamelas convocados coas seleccións españolas Sub21 e Sub16
O hóckey galego está de parabén esta semana. Déronse a coñecer as listas de convocados coas seleccións españolas Sub21 Feminina e Sub16 Masculina, e en ambas teremos representación galega.
Carlota Álvarez, porteira do C.H. Albor, acaba de ser convocada para a concentración previa á participación da Selección española Sub21 no Europeo que terá lugar en Terrassa no mes de xullo, onde estamos seguros que estará Carlota.
Mentres, Manu Lamelas, do OurenSticks, foi convocado coa Sub21 para viaxar a Polonia a disputar o torneo 4 Nacións de Semana Santa.
Moita sorte aos dous.
Os máis mozos inícianse na arbitraxe
Nos pasados días celebrouse na cidade de A Coruña o Curso de Iniciación para árbitros coa asistencia de máis de 20 mozos e mozas interesados.
Un curso organizado polo EGAX (Escola Galega de Árbitros e Xuíces) do CETEGA que foi un éxito de convocatoria.
Un dato positivo para o desenvolvemento da arbitraxe entro os máis mozos na cidade herculina.
Síguenos en Redes Sociales
